Xəbərlər

“Təhsil” istirahət mərkəzində tələbələr üçün ixtisas yönümlü qış düşərgələri yekunlaşıb

Elm və Təhsil İşçiləri Həmkarlar İttifaqı və “Bir Könüllü” Tələbələrin Əməkdaşlığı İctimai Birliyinin birgə təşkilatçılığı ilə tələbələr üçün 5-9 fevral tarixlərində keçirilən ənənəvi ixtisas yönümlü qış düşərgələri yekunlaşıb.

“Təhsil” İstirahət Mərkəzində baş tutan düşərgələrin əsas məqsədi iştirakçıların ixtisas biliklərinin dərinləşdirilməsi, analitik və tənqidi düşünmə, problem həll etmə, innovativ yanaşma, eləcə də liderlik və komanda işi bacarıqlarının inkişaf etdirilməsi olub. Layihə çərçivəsində gənclərin gələcək akademik və peşəkar fəaliyyətə hazırlıq səviyyəsinin artırılması prioritet kimi müəyyən edilib.

Cari il üzrə düşərgələr iki istiqaməti əhatə edib. Riyaziyyat sahəsi üzrə “MathCamp2026” layihəsi “Bir Könüllü” Tələbələrin Əməkdaşlığı İctimai Birliyi, Elm və Təhsil İşçiləri Həmkarlar İttifaqı və “PathtoMath” Həvəskar Riyaziyyatçılar Klubunun birgə təşkilatçılığı ilə həyata keçirilib. Texnologiya və mühəndislik istiqamətləri üzrə “TechCamp2026” düşərgəsi isə “ESTIEM LG Baku” və “EESTEC LG Baku” təşkilatlarının tərəfdaşlığı çərçivəsində təşkil olunub.

Düşərgələrdə seçim mərhələsindən keçmiş riyaziyyat, texnologiya, mühəndislik və əlaqəli sahələr üzrə təhsil alan əlli nəfərə yaxın perspektivli tələbə iştirak edib. Proqram çərçivəsində ixtisaslaşmış təlimlər, praktiki məşğələlər, layihə əsaslı fəaliyyətlər və mentorluq görüşləri keçirilib.

Qeyd edək ki, Elm və Təhsil İşçiləri Həmkarlar İttifaqı gənclərin bilik və bacarıqlarının inkişafına yönəlmiş tədris və innovasiya yönümlü təşəbbüslərin həyata keçirilməsinə davamlı dəstək göstərir.

ETİHİ Daşkəsən rayon komitəsi tərəfindən 5 nömrəli körplər evi uşaq bağcası kollektivinin 1 günlük gəzintisini təşkil etmişdi.

ETİHİ Daşkəsən rayon komitəsi tərəfindən 5 nömrəli körplər evi uşaq bağcası kollektivinin 1 günlük Qəbələ-Şəki şəhərlərinə gəzintisi təşkil etmişdi.Gəzintidə kollektivi səmərəli vaxt keçirməsi üçün lazımlı şərait yaradılmışdı.5 nömrəli uşaq baxcasının kollektivi gəzintidə yaradılan şəraitə görə AHİ və ETİHİ rəhbərliyinə təşəkkürlərini bildirdilər.Gəzintinin çox yaxşı keçdiyin bütün kollektivin ürəyincə olduğunu bildirərək Daşkəsən rayon komitəsinin kollektivinədə də təşəkkürlərini bildirdilər.

ETİHİ Respublika Komitəsi tərəfindən 700-dən çox ittifaq üzvü üçün ekskursiya və turlar təşkil olunub

Elm və Təhsil İşçiləri Həmkarlar İttifaqı Respublika Komitəsi tərəfindən yanvar ayı ərzində 700 nəfərdən çox ittifaq üzvü üçün ekskursiya və turlar təşkil olunub.

Belə ki, 533 nəfər təhsil işçisi rayon və şəhər komitələrinin təşkilatçılığı ilə Quba, Qusar, Qəbələ, Şamaxı və Astara rayonlarına təşkil edilmiş bir neçə günlük turlardan yararlanaraq istirahət ediblər.

168 nəfər təhsil işçisi isə "İçərişəhər" Tarix-Memarlıq Qoruğuna və açıq səma altında yerləşən Qala Etnoqrafiya Muzeyinə ekskursiya ediblər.

Qeyd edək ki, bu cür maarifləndirici və istirahət xarakterli gəzintilər gələcəkdə də mütəmadi olaraq təşkil ediləcəkdir.

“Azərbaycan Nəşriyyatları Assosiasiyası” İctimai Birliyində Həmkarlar İttifaqı təsis olunub

Azərbaycan Nəşriyyatları Assosiasiyasında Həmkarlar İttifaqı Komitəsinin təsis yığıncağı keçirilib. Təsis iclasında Assosiasiya nəzdində Həmkarlar İttifaqı Komitəsinin yaradılması ilə bağlı təşkilati məsələlər müzakirə olunub.

Tədbirdə Azərbaycan Nəşriyyatları Assosiasiyasının 14 nəfər əməkdaşı, həmçinin Elm və Təhsil İşçiləri Həmkarlar İttifaqı Respublika Komitəsi sədrinin müavini Mirzə Cəfərzadə və sədrin müşaviri Renata Mansurova iştirak ediblər.

Təsis iclasında Həmkarlar İttifaqı Komitəsinin və Təftiş Komissiyasının üzvləri, eləcə də komitənin sədri seçilib, yaradılan qurumun ETİHİ Respublika Komitəsinin xidmətinə qəbul edilməsi barədə qərar qəbul olunub.

Elm və Təhsil İşçiləri Həmkarlar İttifaqı Respublika Komitəsi yeni üzvləri ilə birgə həmrəyliyə əsaslanan fəaliyyət istiqamətini davam etdirməkdədir.

Yanvar ayında yollayışlardan yararlananların statistikası

Elm və Təhsil İşçiləri Həmkarlar İttifaqı Respublika Komitəsi yanvar ayında ittifaq üzvlərinə sanatoriya-kurort yollayışları təqdim edərək onların Azərbaycan Həmkarlar İttifaqları Konfederasiyasının tabeliyindəki müalicə və istirahət mərkəzlərindən faydalanmasını təmin edib.

Ay ərzində ümumilikdə 449 nəfər yollayışdan yararlanıb. Onların 216 nəfəri ittifaq üzvü, qalanları isə ailə üzvləridir.

Yanvar ayında ilk həmkarlar təşkilatlarının sədrləri üçün keçirilən proqram çərçivəsində ailə üzvləri ilə birlikdə 92 nəfər 3 günlük müalicə paketindən yararlanıb.

Bununla yanaşı, rayon və şəhər komitələrinin təşkil etdiyi ekskursiyalara 165 nəfər ittifaq üzvü cəlb edilib.

2 fevral – Azərbaycan Gəncləri Günü münasibətilə Elm və Təhsil İşçiləri Həmkarlar İttifaqının rayon və şəhər komitələri tərəfindən tədbirlər keçirilib

2 fevral – Azərbaycan Gəncləri Günü münasibətilə Elm və Təhsil İşçiləri Həmkarlar İttifaqının rayon və şəhər komitələri tərəfindən tədbirlər keçirilib. Tədbirlərdə təhsil müəssisələrində çalışan gənc həmkarlar ittifaqı üzvləri, müəllimlər və ictimai fəallar iştirak ediblər.

Tədbir çərçivəsində gənclərin fikir və təklifləri dinlənilib, onları maraqlandıran məsələlər ətrafında səmimi müzakirələr aparılıb. Fəallığı ilə seçilən gənclər mükafatlandırılıb, onlara gələcək fəaliyyətlərində uğurlar arzulanıb.

Gəncə-Daşkəsən Regional Təhsil İdarəsi, Elm və Təhsil İşçiləri Həmkarlar İttifaqı Daşkəsən rayon komitəsi və digər rayon komitələri tərəfindən 2 Fevral Gənclər günü qeyd edilmişdir.

Gəncə-Daşkəsən Regional Təhsil İdarəsi, Elm və Təhsil İşçiləri Həmkarlar İttifaqı Daşkəsən rayon komitəsi və digər rayon komitələri tərəfindən 2 Fevral Gənclər günü qeyd edilmişdir. Həmin tədbirdə Daşkəsən rayonu üzrə işində yüksək nəticələr göstərən və sertifikasiyada balı yüksək olan bir sıra həmkar üzvlərimizin iştirakı təmin olunmuş, gül buketi və təşəkkürnamələr verilmişdir.

ETİHİ Daşkəsən RK-si: 2 fevral – Azərbaycan Gəncləri Günü münasibətilə keçiriən tədbir barədə

ETİHİ Daşkəsən RK-si 2 fevral – Azərbaycan Gəncləri Günü münasibətilə səmimi-qəlbdən təbrik edir, hər birinizə möhkəm cansağlığı, yüksək əhvali-ruhiyyə və gələcək işlərinizdə uğurlar arzulayır. Ulu Öndər Heydər Əliyevin təşəbbüsü ilə gənclərimizə geniş və açıq müzakirə tribunası vermiş ilk forumun keçirildiyi günün ölkəmizdə 1997-ci ildən etibarən Gənclər Günü kimi qeyd olunması ənənəsi bir daha təsdiq edir ki, gənclər siyasəti dövlətimizin sosialyönümlü siyasətinin və insan kapitalının məqsədyönlü inkişafının əsas istiqamətlərindəndir. Ölkədə gənclərin maraqlarının və ahəngdar inkişafının təmin olunması üçün lazımi şərait yaradılmasını sürətləndirmiş, onların təşkilatlanmasında və ictimai-siyasi fəallığının artmasında böyük nailiyyətlər olmuşdur. Bu gün gənclərə göstərilən diqqət və qayğının nəticəsidir ki, Azərbaycanda milli məfkurəyə sadiq və dünyanın qabaqcıl gəncliyi ilə inteqrasiya etməyə qadir olan bir nəsil yetişmişdir. Gənclərimiz bu gün həyatımızın bütün sahələrində yaxından iştirak edir, ölkəmizin iqtisadi gücünün, hərbi qüdrətinin artması və siyasi nüfuzunun yüksəlməsi, milli-mənəvi dəyərlərə və ümumbəşəri ideallara əsaslanan vətəndaş cəmiyyətinin möhkəmləndirilməsi işində qüvvə və bacarığını əsirgəmir, zəngin mədəni irsimizin qorunub saxlanması və təbliği yolunda mühüm addımlar atırlar. Azərbaycanda həyata keçirilən gənclər siyasəti yeni nəslin intellektual və innovativ potensialının reallaşmasına hərtərəfli imkan yaratmaqla yanaşı, eyni zamanda, onda dərin vətənpərvərlik ruhu formalaşdırmışdır. Azərbaycan gənci məhz qəlbindəki güclü Vətən sevgisi sayəsində döyüşlərin əsas ağırlığını qəhrəmancasına öz üzərinə götürərək xalqımızın qələbə əzmini dünyaya nümayiş etdirmiş və 44 günlük Vətən müharibəsində Zəfər salnaməsi yazmışdır.

ETİHİ Daşkəsən rayon komitəsi 5 Oktyabır müəllimlər günüdə tədbir təşkil etmişdi.

ETİHİ Daşkəsən rayon komitəsi 5 Oktyabar müəllimlər günü ilə bağlı tədbir keçirmişdi.Tədbirdə Rayon icra hakimiyyətinin başcısı Orxan Abbasov və ETİHİ-əməkdaşı Pərvanə xanım İsmayılova da iştirak etmişdi. tədbirəd bir sıra müəllimlərə uzun müddətli fəaliyyətinə görə təşəkkürnamələr verilmişdi.

ETİHİ Daşkəsən rayon Komitəsi yeni il şənliyi Daşkəsən rayon təhsil sektorunun kollektivi ilə birgə əyləncəli tədbir keçirilmişdi

ETİHİ Daşkəsən RK-si Gəncə-Daşkəsən Regional Təhsil idarəsi ilə bir yerdə Gəncə şəhərində yerləşən “İmperial Şadlıq Sarayı”nda yeni il tədbiri keçirilmiş, tədbirdə Daşkəsən rayon Təhsil sektorunun kollektividə iştirak etmişdir. Tədbir ilk öncə Vətən müharibəsi Şəhidləri 1 dəqiqəlik sükutla yad edilərək yen il şənliyinə başlanılmışdır.

20 Yanvar Hüzn günü ilə bağlı Şəhidlər xiyabanı ETİHİ Daşkəsən RK tərəfindən ziyarət edilmişdi

ETİHİ Daşkəsən RK.

20 YANVAR HÜZN günü ilə əlaqədar rayon komitəsinin sədri və üzvlərin iştirakı təmin olunmuşdur.

Elm və Təhsil işciləri həmkarlar ittifaq Daşkəsən rayon komitəsi Şəhid,Qazilərinin uşaqları üçün yeni il şənliyi keçirib

Daşkəsən rayon İcra Hakimiyyətinin və ETİHİ Daşkəsən RK-nin birgə təşkil etdiyi Yeni il tədbirində şəhid, qazi, aztəminatlı ailələrin uşaqları və 18 yaşa çatmamış əlil uşaqların iştirak etmişdir, tədbirdə “AYDANCER” qrupunun iştirakı ilə Yeni il tamaşası göstərilmişdir. Sonda uşaqlara hədiyyə verilərək xatirə şəkiləri çəkilmişdir.